ಅಲೆಮಾರಿ ಸಮುದಾಯಗಳಲ್ಲಿ ಕೊರಮ - ಕೊರಚ

 

ಕುಳುವ ವಾಣಿ ಸಂದೇಶ....✍️

ಅಲೆಮಾರಿ

ಅಲೆಮಾರಿ ಬುಡಕಟ್ಟು ಜನಾಂಗದ ಸ್ಥಿತಿ,ಗತಿ, ಕಲೆ, ಸಂಸ್ಕೃತಿ, ಜೀವನಶೈಲಿ, ಅನಾವರಣಗೊಳಿಸುವ ನಿಟ್ಟಿನಲ್ಲಿ ಒಂದು ಇಣುಕುನೋಟ, 

ಇದುವೇ #ಕುಳುವ_ವಾಣಿಯ ಉದ್ದೇಶ...

ಬುಡಕಟ್ಟು ಅಲೆಮಾರಿ ಸಮುದಾಯಗಳಲ್ಲಿ ಆರ್ಥಿಕ ಬಡತನವಿದೆ, ಆದರೆ ಸಾಂಸ್ಕೃತಿಕ ಶ್ರೀಮಂತಿಕೆ ಅಪಾರವಾಗಿ ಚಿಮ್ಮುತ್ತಿದೆ,, ವಿಶ್ವದಾದ್ಯಂತ ಸಾಂಸ್ಕೃತಿಕ ರಾಯಭಾರಿಯಂತೆ ಹೆಸರು ಮಾಡಿದ್ದರು,, ಈಗಲೂ ಬಡತನದ ಬೇಗೆ, ಅಸ್ಪೃಶ್ಯತೆ, ಅಸಮಾನತೆ, ಉದ್ಯೋಗ, ಶಿಕ್ಷಣ, ಆರ್ಥಿಕ, ವಂಚಿತ ಸಮುದಾಯಗಳಲ್ಲಿ ಒಂದು ಸಮುದಾಯವೇ....

ಕುಳುವ ಭಾಷೆಯನ್ನು(ಲಿಪಿ ಇಲ್ಲದ) ಮಾತೃಭಾಷೆಯನ್ನಾಗಿ ಮಾಡಿಕೊಂಡು, ಮೂಲ ಸಂಸ್ಕೃತಿಯನ್ನು ತನ್ನ ಒಡಲಾಳದಲ್ಲಿ ಚಿನ್ನದ ಗಣಿಯಂತೆ ಇಟ್ಟುಕೊಂಡು,, ಅಭಿವೃದ್ಧಿಗಾಗಿ ಬಕ ಪಕ್ಷಿಯಂತೆ ಕಾಯುತ್ತಿರುವ #ಕೊರಚ #ಕೊರಮ ಸಮುದಾಯ..!

ಈ ಸಮುದಾಯ ದೇಶಾದ್ಯಂತ ನೆಲೆಗೊಂಡಿದ್ದು, ಆಯಾಯ ರಾಜ್ಯದಲ್ಲಿ ,ಆಯಾಯ ಸಂಸ್ಕೃತಿ, ಕಲೆ, ಭಾಷೆ, ಜೀವನ ಶೈಲಿಯ ಜೊತೆಗೆ ತಮ್ಮ ಮೂಲ ಸಂಸ್ಕೃತಿಯನ್ನು, ಬೆರೆಸಿಕೊಂಡು ಬದುಕು ಕಟ್ಟಿಕೊಂಡಿವೆ,

ಮೂಲತಃ ಕರ್ನಾಟಕದಲ್ಲಿ ಕೊರಚ ಕೊರಮ ಸಮುದಾಯಗಳು 100% ನಲ್ಲಿ 10% ರಷ್ಟು ಪಟ್ಟಣಗಳಲ್ಲಿ ಅಭಿವೃದ್ಧಿ ಹೊಂದಿರುವುದು ಬಿಟ್ಟರೆ,, ಮಿಕ್ಕ 90% ಜನರು ಹಳ್ಳಿಗಳಲ್ಲಿ, ಗುಡ್ಡಗಾಡು ಪ್ರದೇಶಗಳಲ್ಲಿ, ನದಿ ದಡದಲ್ಲಿ, ಮತ್ತು ಕಾಡಂಚಿನಲ್ಲಿ, ಈಗಲೂ ಅವಕಾಶ ವಂಚಿತರಾಗಿ ವಾಸಿಸುತ್ತಿದ್ದಾರೆ,,,!

ಈ ಸಮುದಾಯದ ಜನ ಒಂದೇ ವೃತ್ತಿಯನ್ನು ಅವಲಂಬಿಸದೆ, ಅನೇಕ ವೃತ್ತಿಗೆ ಜೋತುಬಿದ್ದು ಎಲ್ಲಾ ವೃತ್ತಿಯಲ್ಲೂ ಪರಿಣಿತಿ ಹೊಂದಿರುವುದು, ವಿಶೇಷವೇ ಸರಿ,...

ಈ ಸಮುದಾಯದ ಕೆಲವು ವೃತ್ತಿಗಳು ಹೀಗಿವೆ,

ಬಿದಿರಿನ ಕೆಲಸ ಮಾಡುವುದು, ಬುಟ್ಟಿ, ಮೊರ, ಮಂಕರಿ, ಬಿದಿರಿನ ಚಾಪೆ, ರೇಷ್ಮೆ ತಟ್ಟೆ (ಚಂದ್ರಿಕೆ) ಹಂದಿ ಸಾಕಾಣಿಕೆ, ಬಾಜ ಭಜಂತ್ರಿ ಬಾರಿಸುವುದು, ಕಣಿ ಹೇಳುವುದು, ಬೀದಿ ಬದಿಗಳಲ್ಲಿ ಸಣ್ಣಪುಟ್ಟ ವ್ಯಾಪಾರ ಮಾಡಿಕೊಂಡು ಜೀವನ ಸಾಗಿಸುತ್ತಿದ್ದಾರೆ...! 

ಪಟ್ಟಣಗಳಲ್ಲಿ ಅಭಿವೃದ್ಧಿ ಹೊಂದಿದ ಈ ಸಮುದಾಯದ ಜನ ಸರ್ಕಾರಿ ಕೆಲಸಗಳು, ಸೇನೆಯಲ್ಲಿ ಸೇವೆ ಸಲ್ಲಿಸುವುದು, ಮತ್ತಿತರ ಕೆಲಸಗಳನ್ನು ಮಾಡಿಕೊಂಡಿದ್ದಾರೆ,,

ಹಾಗೂ ವಿಶೇಷವಾಗಿ ಸಂಗೀತ ಕ್ಷೇತ್ರಗಳಲ್ಲಿ #ಸನಾದಿ_ಅಪ್ಪಣ್ಣ ರಂಥ ದಿಗ್ಗಜರನ್ನು ಕಾಣಿಕೆಯಾಗಿ ಕೊಟ್ಟಂತ ಹೆಗ್ಗುರುತು ಈ ಸಮಾಜಕ್ಕಿದೆ,, ಈ ಸಮುದಾಯ ಭಾರತದ ಮೂಲನಿವಾಸಿಗಳಾಗಿದ್ದು, ರಾಮಾಯಣ-ಮಹಾಭಾರತ ಕಥೆಗಳಲ್ಲಿ ಸಮುದಾಯದ ಉಲ್ಲೇಖವಿರುವುದು ಕಾಣಸಿಗುತ್ತದೆ,, "ವಾತ್ಸವದ ಗುರು", ಅಲ್ಲದಿದ್ದರೂ ಮಾನಸಿಕ "ಗುರುವಿಗೆ", ಗುರು ಕಾಣಿಕೆಯಾಗಿ ಹೆಬ್ಬೆರಳನ್ನು ಕೊಟ್ಟ #ಏಕಲವ್ಯ ಈ ಸಮುದಾಯದ ಒಬ್ಬ ಮಹಾನ್ ವ್ಯಕ್ತಿ,,!

12ನೇ ಶತಮಾನದಲ್ಲಿ ಶರಣ ಕ್ರಾಂತಿ ಮತ್ತು ಬಸವಣ್ಣನವರ ಲಿಂಗೈಕದ ನಂತರವೂ ಬಸವತತ್ವ, ಕಾಯಕ-ದಾಸೋಹ ಜಂಗಮ ನಿಷ್ಠೆಯನ್ನು ಜಗತ್ತಿಗೆ ತೋರಿಸಿದ ಕಾಯಕಯೋಗಿ #ನುಲಿಯ_ಚಂದಯ್ಯ ಈ ಸಮುದಾಯದ ಮಹಾನ್ ಶರಣ...!

ಹಾಗೆಯೇ ಬ್ರಿಟಿಷ್ ಸಾಮ್ರಾಜ್ಯವನ್ನೇ ಎದುರುಹಾಕಿಕೊಂಡು, ಉಳ್ಳವರಿಂದ ಕಸಿದು ವಂಚಿತರಿಗೆ ಸಹಾಯ ಮಾಡುತ್ತಾ, ಶೋಷಿತರ ಭೂಮಿ, ವಡವೆ, ಮನೆ, ಮಠವನ್ನು, ಹಿಂತಿರುಗಿಸಿ ಬ್ರಿಟಿಷರಿಗೆ ತಲೆನೋವಾಗಿದ್ದ #ಕ್ರಾಂತಿವೀರ_ಕನ್ನೇಶ್ವರ_ರಾಮ ಈ ಸಮುದಾಯದ ಒಬ್ಬ ವ್ಯಕ್ತಿ...!

ಈ ಸಮುದಾಯದಲ್ಲಿ ಇಷ್ಟೊಂದು ದಿಗ್ಗಜರು ಇದ್ದರೂ, ಈ ಜನ ಇಷ್ಟೊಂದು ಕಸುಬುಗಳಲ್ಲಿ ನಿರತರಾಗಿದ್ದರು, ಇಷ್ಟೊಂದು ಚಾಣಾಕ್ಷತನ ವಿದ್ದರೂ, ಪ್ರಜಾಪ್ರಭುತ್ವ ಬಂದು 70 ವರ್ಷವಾದರೂ, ಶೋಷಿತರಿಗೆ ಇಂದು ಸೂಕ್ತ ಪ್ರಾತಿನಿಧ್ಯ ಸಿಗುತ್ತಿದ್ದರು, ಇನ್ನೂ ಕೂಡ ಈ ಸಮುದಾಯ ವಂಚಿತರ ಪಟ್ಟಿಯಲ್ಲಿ ಉಳಿದುಕೊಂಡಿರುವುದು ಏಕೆ..? ಎಂಬ ಕಾರಣ ಹುಡುಕುತ್ತಾ ಹೋದರೆ ಸಿಗುವುದು 1 ಅಥವಾ 2 ಕಾರಣಗಳಲ್ಲ ನೂರಾರು ಕಾರಣಗಳು...?

ಈ ಸಮುದಾಯದ ಕಲೆ-ಸಂಸ್ಕೃತಿ-ಜೀವನಶೈಲಿ ಮತ್ತು ಶಿಕ್ಷಣ, ಸಾಮಾಜಿಕ, ಆರ್ಥಿಕತೆಯಿಂದ, ಇವರೇಕೆ ವಂಚಿತರಾಗಿದ್ದಾರೆ ಎಂಬ ಕಾರಣ, ಹಾಗೂ ಸರ್ಕಾರದಿಂದ ಈ ಸಮುದಾಯಕ್ಕೆ ಇರುವ ಸೌಲಭ್ಯಗಳು ಅದನ್ನು ಪಡೆಯುವ ಬಗೆ ಇವೆಲ್ಲವನ್ನು...

ಎಳೆ ಎಳೆಯಾಗಿ... ನಿಮ್ಮ ಮುಂದಿಡುತ್ತೇನೆ,, 

ಮುಂದಿನ ಸಂಚಿಕೆಗಳಲ್ಲಿ.....

#ಶ್ರೀಕಾಂತ್_ಕುಳುವ