ಕುಳುವ ವಾಣಿ ಪರಿಚಯ

ಬುಟ್ಟಿಯೊಳಗಣ ಬುತ್ತಿ…..✍️.

ಶ್ರೀಕಾಂತ್ ಕುಳುವ

ನಮ್ಮ ದೇಶ ಬಹು ಸಂಸ್ಕೃತಿಯ ತವರೂರು, ಇಲ್ಲಿನ ಗರಡಿಯಲ್ಲಿ ಬೆಳೆದ ಎಷ್ಟು ಕಲಾವಿದರು ನಾನಾ ದೇಶಗಳಲ್ಲಿ, ನಾನಾ ಕಲೆಗಳಿಂದ ಗುರುತಿಸಿಕೊಂಡಿರುವುದು ಹೆಮ್ಮೆಯ ವಿಚಾರ, ನಮ್ಮ ಈ ದೇಶದ ಬಹುಸಂಸ್ಕೃತಿಯ ಬೆಳಕಿನ ಹಿಂದೆ ದುಃಖ, ಹಸಿವು, ತ್ಯಾಗ, ನಿರಂತರ ಶ್ರಮ, ಸಹನೆಯ ಕರಾಳಮುಖ ಇರುವುದು ಮೇಲ್ನೋಟಕ್ಕೆ ಕಾಣಸಿಗುವುದಿಲ್ಲ,..

ನಮ್ಮ ಮೂಲ ಸಂಸ್ಕೃತಿಯ ಅನಾವರಣ ಮತ್ತು ಇದರ ಹಿಂದಿರುವ ಕರಾಳ ಛಾಯೆಯನ್ನು ಲೋಕಾರ್ಪಣೆ ಗೊಳಿಸುವುದು,...

12 ನೇ ಶತಮಾನದಲ್ಲಿ ಬಸವಣ್ಣನವರ ಉಪಸ್ಥಿತಿಯಲ್ಲಿ ಸಮಾನ ಸಮಾಜದ ಕ್ರಾಂತಿಯನ್ನೇ ಹುಟ್ಟುಹಾಕಿದ ತಳಸಮುದಾಯಗಳ ಶರಣ-ಶರಣೆಯರು ಕರ್ನಾಟಕಕ್ಕೆ ಕೊಟ್ಟ ಕೊಡುಗೆ ಅಪಾರ, ಅವರ ವಚನಗಳು ಅದರ ಅರ್ಥ, ಗೂಡಾರ್ಥ, ಅರಿತುಕೊಂಡರೆ ನಾವೆಲ್ಲರೂ ಸೇರಿ ಸಮಾನ ಸಮಾಜವನ್ನೇ ಕಟ್ಟಬಹುದು,..  ಅಂತಹ ಶಿವಶರಣರ ಜೀವನಚರಿತ್ರೆಯನ್ನು ಒಂದೊಂದಾಗಿ ನಿಮ್ಮ ಮುಂದೆ ತರುವ ಸಣ್ಣ ಪ್ರಯತ್ನ ಜೊತೆಗೆ..

ಆರ್ಥಿಕವಾಗಿ ಸಾಮಾಜಿಕವಾಗಿ ಮೂಲಭೂತ ಸೌಕರ್ಯವಿಲ್ಲದ, ಅನೇಕ ಪ್ರತಿಭೆಗಳು ಒಂದಲ್ಲ ಒಂದು ರೀತಿಯಲ್ಲಿ ಸಂಕಷ್ಟಕ್ಕೆ ಸಿಲುಕಿ ಎಲೆಮರೆ ಕಾಯಿಯಂತೆ ಅಡಗಿ ಕುಳಿತಿರುವ ಉದಯೋನ್ಮುಖ ಕಲಾವಿದರನ್ನು ಗುರುತಿಸುವುದು, ಮತ್ತು ಪರಿಚಯಿಸುವುದು, ಸಾಮಾಜಿಕ ಸಮಾಜಕ್ಕೆ ಉಪಯೋಗವಾಗುವ ಸಂಘ ಸಂಘಟನೆಗಳ ಕಾರ್ಯ ವೈಖರಿಗಳನ್ನು ತಿಳಿಸುವುದು.. ಪರಿಶಿಷ್ಟ ಜಾತಿ ಪರಿಶಿಷ್ಟ ಪಂಗಡದ ಅಲೆಮಾರಿ ಅರೆ ಅಲೆಮಾರಿ ಬುಡಕಟ್ಟು ಜನಾಂಗಗಳ ಸಮಾಜಕ್ಕೆ ಅಗತ್ಯವಿರುವ ಶಿಕ್ಷಣ, ಭದ್ರತೆ, ಮೂಲಭೂತ ಸೌಕರ್ಯಗಳನ್ನು, ಸರ್ಕಾರದ ಯೋಜನೆಗಳನ್ನು ಪಡೆಯುವ ಬಗ್ಗೆ ಜೊತೆಗೆ ಸಣ್ಣ ಸಣ್ಣ ಕಥೆ, ಮಕ್ಕಳ ಕಥೆ,... ಮತ್ತಿತರ ಮನರಂಜನೆಗಳ ನೀಡುವ ಪ್ರಯತ್ನವೇ

ನಮ್ಮ "ಕುಳುವ ವಾಣಿ" ಉದ್ದೇಶ.. 

ಆತ್ಮೀಯತೆಯಿಂದ ಸ್ವೀಕರಿಸುತ್ತೀರಿ ಎಂಬ ನಂಬಿಕೆಯೊಂದಿಗೆ ನಿಮ್ಮ ಮುಂದೆ ಬಂದಿದ್ದೇವೆ.....

ಭಾರತ ದೇಶದ ಇತಿಹಾಸದ ಪೂರ್ವದಲ್ಲಿ ಮಹಾಭಾರತ ನಡೆಯಿತು ಎನ್ನಲಾದ ಕಥೆಗಳು, ಕಾಲಕ್ರಮೇಣ ಜನರಿಂದ ಜನರಿಗೆ ಸಾಗುತ್ತಾ,.. ಸಾಗುತ್ತಾ,.. ತನ್ನ ಮೂಲ ಹೊಳಪನ್ನು, ಕಳೆದುಕೊಂಡು, ಹೊಸ ಹುರುಪಿನೊಂದಿಗೆ ಪಳಪಳನೆ ಹೊಳೆಯುತ್ತಿದ.

ನಿಷಾದ ಕುಲ ಸುಪುತ್ರನಾದ ಏಕಲವ್ಯನ ಕಥೆ ಇದಕ್ಕೆ ಹೊರತಾಗಿಲ್ಲ ಕಾಲಗರ್ಭದಲ್ಲಿ ಮೂಲ ಹೊಳಪನ್ನು ಅಡಗಿಸಿ ಕಾಲಾಂತರದಲ್ಲಿ ಹೊಸ ಹುರುಪಿನೊಂದಿಗೆ ನಮ್ಮೆಲ್ಲರ ಕಣ್ಣಮುಂದಿರುವ "ಏಕಲವ್ಯನ" ಹಿಂದಿರುವ ಜೀವನ, ಪರಿಶ್ರಮ, ಮತ್ತು ತ್ಯಾಗ,.. ಸಾಮಾನ್ಯವಾದುದಲ್ಲ.

"ಏಕಲವ್ಯ ಕೊಟ್ಟಿದ್ದು ಕೇವಲ ಬೆರಳಲ್ಲ, ಗುರುವಲ್ಲದ ಗುರು ಎನಿಸಿಕೊಂಡ ದ್ರೋಣಾಚಾರ್ಯರು ಪಡೆದದ್ದು ಕೇವಲ ದಕ್ಷಿಣೆಯಲ್ಲ... 

ಇದರ ಮೂಲ ಅರಿವನ್ನು ತಿಳಿಸುವ ಒಂದು ಸಣ್ಣ ಪ್ರಯತ್ನ..

ಏಕಲವ್ಯನ ಜೀವನ ಚರಿತ್ರೆ,.

ಮುಂದುವರೆಯುತ್ತದೆ...