ಹಲಸೂರು ಗೇಟ್ ಪೊಲೀಸರ ಮಿಂಚಿನ ಕಾರ್ಯಾಚರಣೆ: ಅಂತರ್ ರಾಜ್ಯ ಕಳ್ಳನ ಬಂಧನ

ಬೆಂಗಳೂರು ನಗರ:- 

28/09/2023 :ಹಲಸೂರು ಗೇಟ್ ಇನ್ಸ್ಪೆಕ್ಟರ್ ಹನಮಂತ ಕೆ ಭಜಂತ್ರಿ ಹಾಗೂ ಠಾಣೆ ಪೊಲೀಸರು ಚಿನ್ನಾಭರಣಗಳ ಕಳ್ಳತನದ ಆರೋಪದ ಮೇಲೆ ಇಬ್ಬರನ್ನ ಬಂಧಿಸಿದ್ದಾರೆ.

ಲಾಲ್ ಸಿಂಗ್ ರಾವ್ ಬಿನ್ ಪಾರಸ್ ಮಲ್ರಾವ್

(20 ವರ್ಷ) ಆನಂದನಗರ, ಆವುರ್ ತಾಲೂಕ್ ಚಾಲುರು ಜಿಲ್ಲೆ, ರಾಜಸ್ಥಾನ ಮತ್ತು ಅಭಿಷೇಕ್ ಬಿನ್ ಕುಶಾಲ್ ಸಿಂಗ್ (23 ವರ್ಷ) ಮಾಧವಪುರ ಆವೂರು ಗ್ರಾಮ, ರಾಜಸ್ಥಾನ ಬಂದಿತ ಆರೋಪಿಗಳಿದ್ದಾರೆ.

ಬಂದಿತರಿಂದ ಒಟ್ಟು ಅಂದಾಜು 75,00,000 ಮೌಲ್ಯದ ಒಂದು ಕೆಜಿ 262 ಗ್ರಾಂ ಚಿನ್ನದ ಆಭರಣಗಳನ್ನು ವಶಪಡಿಸಿಕೊಂಡಿದ್ದಾರೆ.

ಬೆಂಗಳೂರು ಹಲಸೂರು ಗೇಟ್ ಠಾಣೆ ವ್ಯಾಪ್ತಿಯ ಜ್ಯೂವೆಲರಿ ಅಂಗಡಿಯ ಮಾಲೀಕರು ಅವರ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದ ಸೇಲ್ಸ್ಮೆನ್ ಲಾಲ್ ಸಿಂಗ್ ರವರನ್ನು ಆಂಧ್ರಪ್ರದೇಶದ ನಲ್ಲೂರಿನಲ್ಲಿರುವ ಮುಕೇಶ್ ಮತ್ತು ಶುಭಂ ಜ್ಯೂವೆಲರಿ ಅಂಗಡಿಗಳಿಗೆ ಒಟ್ಟು 1 ಕೆಜಿ 262 ಗ್ರಾಂ ಚಿನ್ನದ ಆವರಣಗಳನ್ನು ಕೊಟ್ಟು ಬರುವಂತೆ ಕಳುಹಿಸಿದ್ದರು.

ಅಲ್ಲಿಗೆ ಹೋದ ಸೇಲ್ಸ್ ಮ್ಯಾನ್. ಎರಡು ದಿನಗಳ ನಂತರ ಮಾಲೀಕರಿಗೆ ಕರೆ ಮಾಡಿ ನಲ್ಲೂರಿನಲ್ಲಿ ನನಗೆ ಯಾರೊ ಅಪರಿಚಿದರು. ದಾರಿ ಮಧ್ಯೆ ನನ್ನನ್ನು ಬಂಧಿಸಿ ಗನ್ ಪಾಯಿಂಟ್ ಮಾಡಿ ಚಾಕುವಿನಿಂದ ಹಲ್ಲೇ ಮಾಡಿ ಚಿನ್ನವಿದ್ದ ಬ್ಯಾಗ್ ಅನ್ನು ಕಿತ್ತುಕೊಂಡು ನನ್ನನ್ನು ನಡು ರಸ್ತೆಯಲ್ಲಿ ಬಿಟ್ಟುಹೋದರು ಎಂದು ತಿಳಿಸಿದ್ದಾರೆ. 

ಗಾಬರಿಯಾದ ಮಾಲೀಕರು ಸೇಲ್ಸ್ ಮ್ಯಾನ್ ಅನ್ನು ನಲ್ಲೂರಿನಿಂದ ವಾಪಸ್ ಕರೆಸಿಕೊಂಡು ದಿನಾಂಕ 2.10.2023 ರಂದು ಹಲಸೂರು ಗೇಟ್ ಠಾಣೆಯಲ್ಲಿ ದೂರನ್ನು ದಾಖಲಿಸಿದ್ದಾರೆ.

ಆ ದೂರಿನ ಅನ್ವಯ ಪೊಲೀಸ್ ಇನ್ಸ್ಪೆಕ್ಟರ್ ಹನುಮಂತ ಕೆ ಭಜಂತ್ರಿಯವರು ಕಾರ್ಯಾಚರಣೆಗೆ ಇಳಿದು ಕೂಲಂಕುಶವಾಗಿ ನಾನಾ ರೀತಿಯಲ್ಲಿ ತನಿಖೆ ಮಾಡಿದಾಗ, ಸೇಲ್ಸ್ ಮೇಲೆಯೆ ತೀವ್ರವಾಗಿ ಅನುಮಾನ ಮೂಡಿದ್ದು. ಸೇಲ್ಸ್ ಮ್ಯಾನ್ ರನ್ನು ನಾನಾ ರೀತಿಯಲ್ಲಿ ವಿಚಾರಣೆಗೆ ಒಳಪಡಿಸಿದಾಗ ಸತ್ಯ ಹೊರ ಬಿದ್ದಿದೆ.ಆತ ತನ್ನ ಇತರರೊಂದಿಗೆ ಸೇರಿ ಕಳ್ಳ ತನ ಮಾಡಿದ್ದಾಗಿ ಒಪ್ಪಿಕೊಂಡಿದ್ದಾನೆ.

ಆತ ನೀಡಿದ ಮಾಹಿತಿ ಮೇಲೆ ರಾಜಸ್ಥಾನದಲ್ಲಿದ್ದ ಆರೋಪಿಯನ್ನು ಬಂಧಿಸಿ ಆತನಿಂದ ಚಿನ್ನಾಭರಣಗಳನ್ನು ವಶಪಡಿಸಿಕೊಂಡಿದ್ದಾರೆ. ಮತ್ತಿಬ್ಬರು ಆರೋಪಿಗಳ ಪತ್ತೆ ಕಾರ್ಯ ಮುಂದುವರಿದಿದೆ.

ಬೆಂಗಳೂರು ನಗರ ಕೇಂದ್ರ ವಿಭಾಗದ ಶೇಖರ್ ಮತ್ತು ಹಲಸುರು ಗೇಟ್ ಉಪ ವಿಭಾಗದ ಎ.ಸಿ.ಪಿ ಶಿವಾನಂದ ಚಲವಾದಿ ಯವರ ಮಾರ್ಗದರ್ಶನ ಹಾಗೂ ಅಲಸೂರು ಗೇಟ್ ಪೊಲೀಸ್ ಇನ್ಸ್ಪೆಕ್ಟರ್ ಹನುಮಂತ ಕೆ ಭಜಂತ್ರಿ ರವರ ಸಾರಥ್ಯದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಸಬ್ ಇನ್ಸ್ಪೆಕ್ಟರ್ ಹಾಗೂ ಸಿಬ್ಬಂದಿವರಾದ ಮುರಳಿಧರನ್ , ನರಸಿಂಹಮೂರ್ತಿ ಏಚ್ ಡಿ, ಸುರೇಶ್ ರಂಗನಾಥ್, ನಾಗಪ್ಪ ಜೋಗಿ, ಶಶಿಕಾಂತ್ ಮತ್ತು ಟಿ ನಾಗೇಶ್, ಈ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.

ಅಪರಾಧಗಳನ್ನು ಮಾಡುವುದು ಕ್ಷಣಕಾಲದ ಕೆಲಸ.

ಆದರೆ…. ಅಪರಾಧಗಳನ್ನು ಹೆಚ್ಚು ದಿನ ಮುಚ್ಚಿಡಲು ಸಾಧ್ಯವಿಲ್ಲ.

ಕ್ಷಣಕಾಲದ ಕೆಲಸದಿಂದ ಸಾಯುವವರೆಗೂ ಶಿಕ್ಷೆ ಅನುಭವಿಸಬೇಕಾಗುತ್ತದೆ.

ಅಪರಾಧ ಮಾಡುವ ಮುನ್ನ ಸಾವಿರ ಸಲ ಯೋಚಿಸಿ.

ಅಪರಾಧ ತಮಗೂ ಸಮಾಜಕ್ಕೂ ಒಳ್ಳೆಯ ನಡತೆ ಅಲ್ಲ..✍️